.. اضرب واهرب ..
عبدالمنعم شجرابي
*** أعلنت مجموعة من الأطباء السودانيين بتخصصات مختلفة استقبالها الخيري ( المجاني ) للمرضى من أبناء الوطن بمستشفى بمدينة نصر في مبادرة كان لها صداها الطيب وسط النازحين وفي تقديري فالفكرة نفسها يمكن أن يتبناها ( فئويون ) آخرون بما ينفع النازحين والوطن من قبلهم
( والعافية درجات )
*** أبداً أبداً أبداً ما انتقدت مدرب الهلال بسبب خسارة الفريق بأنجولا ولم يكن انتقادي بسبب ضعف الأداء لكنه جاء بسبب ( أخطاء ) قائمة منذ قدومه وعد مراراً وتكراراً بمعالجتها
( والأخطاء هي الأخطاء )
*** الشعراء الفطاحلة وبلا ترتيب هلاوي .. شوره .. أزهري محمد علي .. مكاشفي .. اسحق الحلنقي .. علي محجوب الشايقي .. التيجاني حاج موسى .. مختار دفع الله ربطني بهم الإخاء والصداقة قبل الحوارات الصحفية مع تحياتي للمخرجين الرائعين صلاح الدين الفاضل ( المدير ) وشكرالله خلف الله .. أيمن بخيت .. مجدي مبيوع مع وقفة ترحم على الراحل محمد سليمان دخيل الله
*** الزول ده ماشي غلط الزول ده ما واعي .. الزول ده مشتت الزول ده ثبتوهو وادوهو عقلوهو
*** يلعب بثلاثة ارتكاز والارتكازات الثلاثة لقامت بحماية معسكر كامل ومع ذلك دفاع الهلال مخترق وفلوران يصر على فعلته
( وربنا يقدرني على خشمي )
*** الولاة والوزراء الذين أعفاهم السيد رئيس السيادي لا ندري ( عشان شنو ) اعفاهم وخلفهم الجديد لا ندري أتى بهم ( عشان يعملوا شنو )
*** سوداكال جاء لرئاسة المريخ بضعف ثم بعد ضعف قوة وحالياً لا أحد يعلم إن كانت عودته بقوة أو ضعف
( وكلو عندو صابون )
*** تحسري على ضياع كتبي الأربعة
بيت العزابة
يوميات رحال
ألو منو
بت أحمد
والتي كانت تحت الطبع تتلاشى وأنا أتحسر على ما ضاع من وثائق وارشيف بدار الوثائق المركزية وبما أكثر ورقي ورقمي الذي ضاع من مكتبة أستاذ الأجيال علي شمو
( والعوض على الله )
*** الكتابة اليومية .. ارهاق مريح .. وجهد ممتع .. وفضاء قريب .. الكتابة اليومية عندي عذاب لذيذ
( وربنا يقدرنا )
..
