دقة قديمة

.. اضرب واهرب ..

*** هل يعقل ألا تكون هناك تسجيلات فنية أو ثقافية أو منوعة لمادة سودانية بالقنوات المصرية .. هل يعقل أن يكون ( المامبو السوداني ) و( ازيكم كيفنكم ) آخر تسجيلات الأغاني بالقنوات المصرية وما أكثرها
( عيب كده ) و( مايصحش كده )
ده احنا أخوات
*** استقبال أهل الهلال ( الخرافي ) لهلالهم بالعاصمة السعودية الرياض ( عادي ) فلا هي المرة الأولى ولا الثانية ولا العاشرة التي يكون فيها الاستقبال ( أفخم ) من سابقه
هو الهلال وهم أهله
( ونحن كده )
*** بالمناسبة أبها هي الأخرى ( دائرة مقفولة ) هبطها الهلال أكثر من مرة واحتفلت به هي منطقة عسير وإن شاء الله ( لا عسير ) على الأسياد في المشوار الأفريقي
*** حاكم دارفور ( الهارب ) من إقليمه المشتعل لا زال يحارب ( بالتصريحات الجوفاء ) ويلعب في ( اتجاه الريح ) .. مني اركواي سادتي هو ( السيد نعم ) متى ما احتاج الموقف ( لكلمة نعم ) وجديده أنه سياسي ( دقة قديمة )
*** لا علاقه لي بالسيد عمر النمير ولا معرفة لي شخصية به حتى ( امدحه ) أو ( اقدحه ) وكلما هناك أنني انتقدت الطريقة التي جاء بها لرئاسة المريخ النادي الكبير
( وهذا ما لزم التنويه )
*** عرفوها وعرفوا دروبها ( وطلعوا ونزلوا ) وبعض السودانيين النازحين كادوا أن يصبحوا أهل القاهرة الأدرى من أهلها ( بانفاقها )
*** الزول ده ما عارف شغلو .. الزول ده جاهل بقواعد اللعب .. الزول ده لا بالتجارب ولا الخبرة حيتعلم
الزول ده كده وحيظل كده
*** رأيت الناس قد مالوا
إلى من عنده المال
ومن لا عنده المال
فمنه الناس قد مالوا
هذا هو الواقع حالياً في اختيار إدارات الأندية
( وأنا برا )
*** أكتب في الرياضة لأنها عشقي ( وبوابة ) احترافي الصحفي
واكتب في الفن لأنه يجري في عروقي وأكتب اجتماعيا لأنني خبرت المدينة من ( قاعها ) وأكتب في السياسة لأن فشل السياسيين وأحزابهم ( الدائم ) يجبرني على الكتابة
*** كفاية لحد هنا كفاية
عبدالمنعم شجرابي ..