كتبت ليك لا بيني بينك ريدة .. ولا قصة غرام
قالوا الشاعر صلاح حاج سعيد شاعر الأغنية مشى حلة ناس مصطفى سيد احمد وما عرف البيت ،وأثناء ماهو ماشي في الطريق لقى بنت سألها عن بيت ناس ابو السيد ، فقالت ليه انت منو ، فقال ليها انا شاعر مصطفى فقالت ليه
عليك الله أكتب فيني أغنية، ووصفت ليه البيت فالمهم كتب ليها ، كتبت ليك لابيني بينك ريدة لاقصة غرام
كتبت ليك
لا بيني بينك ريده لا قصة غرام
كتبت ليك
واخترت ليك اجمل حروف
واصدق فواصل نادره في لغة الكلام
لا قصدي ألهو معاك بي كلمات غناء
لا شعري ليك مرجيحه من شعر الغمام
كتبت ليك والله يا قمر الزمان
شان جيتي بي زمن المحنه
وشفت في عينيك حس أهلي القدام
كتبت ليك وانا جاي من زمن الشقى
مرسوم على وش الثواني مظللا
تتمدد الساعات سنين
تتفتح الاحزان غريبه ومذهله
واشتاق افتش نسمه في الزمن العذاب
وايامي من كتر الاسى
وكتر العزوف والاغتراب
صارت حروف مترهلة
لحظات أسيفة ومهملة
كتبت ليك
ووقفت ليك لامن لقيتك جاية
في قلب الطريق
ولمحت فيك راحة المشاوير البعيدة
ولفحة النسمة الحنينة
الجاية من جوف المضيق
حسيت عجايب الدنيا اتلمت
بقت
جاياني من عصراََ سحيق
عينيك حس اطفال بنادوا
القمره للغايب يعود
وجبينك الضواي حجا الحبوبة فى الزمن السعيد
شوفي و يييين ما جا
وأنا في قساوه الموحش الزمن
المكهرب بالحريق
انا حيلتي ايه انا حيلتي ايه
قولي لي يا قمر الزمان
غير أتكي واحلم معاك
واحضن أماسي الصحو والامل البريق
يا قمره أقلبي السنسنة الحمراء
شوفي و يييين ما جا
يا قمره أقلبي السنسنة الحمراء
شوفي و يييين ما جا
