تيمان الحب
المولودين
تيمان العشق
الفي المريخ
في النار ساكنين
تيمان الحب
الفلاحين
الزرعوا الخوة في جروف الصفوة
من الزيتون
جنس الأخلاق
ومن جنس التين
تيمان شبيهين
ساعة الميلاد
يوم مولودين
نفس الرقة
في الذوق والفن
ونفس الإحساس وكمان شبهين
تيمان الصدق شبه البلور
هم شفافين
طيبة أهلنا
زي ناس الريف
بالجد طيبين
نفس الأخلاق
والصدق مطبوع
محفور في الذات
ماناس وجهين
في ساعة الصمت أو ساعة الجهر
نفس الأنغام غنوا معانا
هم فنانين
تيمان الحب نفس الحالتين
الوجه صبوح
بمراية الخير
والوجه صبوح ضاحك باسم
في مراية الروح
تيمان الحب
الورد عبق
والعطر يفوح
الفات الحد
طوفان الموج
ساكن في الذات
باصات سكسك
وكسرات دحدوح
الحب ممتد
بين الصفوة
الحب مسموح
تيمان الحب
زي نسمة تهب
تهدي الافراح
اهل المريخ
أو حتي كمان
اهل السودان
صدقة واحساس
فرحة وبهجة
لي كل الناس
تيمان
الحب انسانية
من الاتنين
المولودين
في ام درمان
نادي المريخ
شارع العرضة
ايمان الحب
انسانيين
بشري الصوفي
افراح المريخ
السبت
٢٠ أغسطس ٢٠٢٢
بمناسبة فرحة تعافي دكتور عمر محمود خالد التي عمت الأسرة المريخية ومشاعر الاخ حازم رئيس النادي وجماهير المريخ
